O Punto de Apoio Emocional é un programa de atención telefónica que ten por obxecto atender demandas tanto de persoas coidadoras de nenos, nenas e adolescentes como dos/as propios/as adolescentes nunha franxa de idade de 12 a 18 anos. Nel atendemos demandas directas ou derivacións de outros/as profesionais do ámbito social, educativo e sanitario. Dende o programa ofrecemos escoita, contención emocional, orientación e derivación se así fose necesaria. O programa tenta ser un punto de inicio para a mellora de situacións de crise e para a intervención terapéutica, educativa ou sanitaria. Para porse en contacto co PAE pódese facer deixando unha mensaxe de voz no teléfono 622.245.545, indicándonos o nome e teléfono de contacto. Tamén se pode facer enviando un whatsapp a este mismo teléfono ou un e-mail a aseia.galicia@gmail.com. O servizo funciona de luns a venres e darase resposta nun máximo de 24 horas.
Coñece máis sobre Aseia Galicia
SUBSCRÍBETE. ENVÍANOS O TEU EMAIL PARA INFORMARTE DAS NOSAS ACTIVIDADES.
«Violentar al diferente» Así titula o Presidente de ASEIA Ricardo Fandiño, o último artigo publicado no diario La Voz de Galicia, no que reflexiona sobre os últimos acontecementos violentos ocorridos recentemente na nosa comunidade.
Para ler o artigo completo, pincha na seguinte ligazón: http://www.lavozdegalicia.es/noticia/opinion/2021/07/08/violentar-diferente/0003_202107G8P13992.htm
Os nosos compañeiros Vanessa Rodríguez e Ricardo Fandiño firman o artigo que leva por título «Sexualidades e Adolescencias: Transformacións na era dixital», publicado no Anuario nº13 de Psicoloxía e Saúde da Revista Oficial do COPG.
A Revista ten como fío condutor nesta edición, os 7 pecados capitais. Os nosos compañeiros, centran o seu artigo na Luxuria, cunha análise dos estudos
RESUMO DAS VII XORNADAS DE ASEIA: «Infancias e adolescencias Hoxe: Historias de Vida”, celebradas en Vigo os días 02 e 03 de outubro de 2020
Os pasados 02 e 03 de outubro celebráronse en Vigo as VII Xornadas de Saúde Emocional na Infancia e a Adolescencia que organizou ASEIA baixo o título “Infancias e Adolescencias Hoxe: Historias de Vida”. A organización destas xornadas contou coa colaboración do Concello de Vigo, Deputación Provincial de Pontevedra, Consellería de Sanidade da Xunta de Galicia e Fundación Orienta. Pola súa banda o Instituto Wilhelm Reich-Europa encargouse do asesoramento técnico das xornadas. As medidas sanitarias por mor da actual situación de pandemia levaron a que as xornadas tivesen que aprazarse desde o mes de abril ata outubro, para desenvolverse finalmente nun formato mixto, presencial e online, que facilitou a participación do maior número de relatores e asistentes posibles, ata un número de 80. Un ano máis as Xornadas de ASEIA pecháronse cun bo sabor de boca para organizadores, relatores e asistentes, tanto pola calidade das intervencións como polo cálido dos encontros, especialmente valiosos nestes tempos de pandemia. Agradecervos a todos e todas a vosa particicpación e compromiso para que finalmente estas xornadas puideran celebrarse. Quedamos emprazados para a VIII edición deste encontro. Aquí vos deixamos alguhnas das instantáneas da VII Xornada:
